أكدت الفنانة المصرية شيرين عبدالوهاب، أنها أصبحت أقوى بعد أزمتها مع حسام حبيب، وتحب نفسها بشكل أفضل.
شيرين وبراد بيت
وقالت شيرين في لقاء مع برنامج صاحبة السعادة، الذي تقدمه الفنانة إسعاد يونس، على قناة dmc الفضائية: “إحنا كستات جامدين وبندي طاقة حلوة في حين إننا ممكن نكون محتاجين الطاقة الحلوة دي.. وبقيت بعرف قيمة نفسي، لدرجة إني قربت أفرقع، وبقيت بحب نفسي، ومتصالحة مع نفسي جدًا، حسيت بالدفا بسبب محبة جمهوري”.
وحين طرحت إسعاد يونس سؤالاً على شيرين قالت فيه: “لو قدامك آسر ياسين وظافر العابدين وبراد بيت تخرجي مع مين وتقضي يوم معاه”. فاجأتها الفنانة المصرية بالرد.
وقالت شيرين عبدالوهاب: “أخرج مع براد بيت عشان هو مش هيفهم حاجة. وأخرج معاه وأخليه يقعد يغازلني وممكن نرقص مع بعض رقصة سلو وبعدها الواحد ممكن يقابل ربنا”.
وأشارت شيرين إلى أنها لو خيرت في أن تكون شخصاً آخر. لتمنت أن تكون مكان الملاكم الراحل محمد علي كلاي، أولاعب المنتخب الوطني المصري محمد صلاح.
“العفاريت أصدقائي”
كما أثارت الفنانة الجدل بحديثها عن العفاريت، وقالت: “النوم الكتير حسد على طاقة سلبية على شوية عفاريت في البيت مستضيفاهم . وعندي شوية عفاريت حلوين مصاحباهم في البيت”.
وكشفت شيرين ما يحدث لها بسبب العفاريت بالمنزل قائلة: “الحاجة تبقى قدام عيني حالا وفجأة تبقى مش موجودة. وأبتدي أرحب بيهم وأقعدهم واطلب لهم حاجة يشربوها فالحاجة تظهر تاني. ودايما أقول لهم أنتم حبايبي، وأنا أقل كتير من أني أعاندكم وأول ما أدلعهم يجيبوا لي الحاجة على طول”.
وأضافت: “ساعات بسمع حاجة بتناديني، وأقول حاضر جاية أهوه وأنا مابخافش”.
حالة شيرين الصحية!
وتحدثت شيرين عن حالتها الصحية قائلة: “أنا ببقى كويسة وجسمي حلو جدا 10 أيام في الشهر بس. والباقي جسمي بيعاندي جدا وبيعبي مية”.
وتحدثت شيرين عن حلق شعرها قائلة لإسعاد يونس: “كل ما تتفقي معايا عشان أظهر معاكي أحلق وأقص شعري”، لترد إسعاد: “كنت هحلق بس افتكرت إن لو حلقت هتظهر نقر في راسي”.
وتابعت شيرين: “بغسل دماغي في الحماية 8 مرات دون معاناة، وطلع إحساس حلو أوي.. وطلعوا مرتاحين ولاد اللذينا”.
المصدر: (وطن – صاحبة السعادة)
