عرض الإعلامي المصري وائل الإبراشي فيديو لسيدة من أهالي بورسعيد توجه رسالة للرئيس عبد الفتاح السيسي بخصوص أحوالها المعيشية .
وقالت السيدة المصرية “أنا عندي استغاثة لسيادة الريس ونفسي ومنى عيني اللي واحدة منهم معدتش بشوف بيها يسمعني ، أنا شغالة عاملة في التربية والتعليم بقالي 24 سنة وطفحت الدم عشان أربي ولادي لأني مطلقة وماليش شقق لأني عديت 50 سنة ، ابني مقدم في مشروه الإسكان دة ولسة دلوقتي باعتين بحث للمرة التالتة عن الشباب وبيقبضوا منهم فلوس 300 جنيه وابني مكانش معاه غير 100 جنيه ادهاله “.
وأضافت: “ياريس أنت قلت مشروع للشباب عشان تساعدهم .. بس انتوا كدة بتموتوا الشباب ، وأنا شوفوا حد يضربني بالنار عشان أنا عديت الخمسين سنة ، وبيقولولي لسة فيه مشاريع مستقبلية أخرى ، هو انا واحدة في سني عندها 56 سنة هتستنى؟ .. انا ساكنة مفروش وعندي القلب والروماتيزم واتكسرت في المدرسة وصرفولي 200 جنيه وبشقى عشان ادفع إيجار المفروش .. يعني ادفع الإيجار ولا أجيب آكل ولا أبعت ابني يسرق عشان يسد؟ أنا عايزة حقي وإلا هموت نفسي .. الموت ليا أحسن وأكرم .