تساءل الاعلامي المصري عمرو الليثي عن أسباب زيادة أعطال “مترو الانفاق” في مصر خلال الفترة الماضية, مستغربا عدم لامبالاة هيئة المترو والنظام المصري من المشاكل التي تصيب بشكل يومي حركة المترو في مصر.
وقال الليثي بمقدمة برنامجه ” واحد من الناس ” المذاع على قناة الحياة الاولى، ” حد فيكوا يعرف هي اعطال المترو زادت اوي ليه .. طب حد فاهم المرفق المهم دا باظ وبيخرب علشان ايه ..كل يوم تلاقي خبر عطل في المترو والناس الشقيانة اللي رايحة اشغالها تتعطل بالساعات ومتلاقيش وسيلة تروح بيها علي شغلها ، والغريبة ان محدش من هيئة المترو يخرج يعتذر للناس او يشرح لهم ايه المشكلة بالضبط “.
واضاف الليثى قائلاً ” بالمناسبة المترو انظمة كاميرات المراقبة في المترو طلعت جاية من شركة اتباعت لشركة اسرائيلية ، ودا معناه ان كل نظام المراقبة في المترو ممكن يكون متوصل لاسرائيل، الغريبة لما الجرايد نشرت الحكاية الخطيرة دي هيئة المترو ردت رد غريب جدا قالت ما هو احنا مش بنوصل الكاميرات دي للانترنت …. يانهار اسود هي دي الحلول لمشكلة خطيرة بالشكل دا.. الحقيقة انا كدا اطمنت!! “.